МАХ, МАХАН БҮТЭЭГДЭХҮҮН БОЛОВСРУУЛАХ СУРГАЛТ ЗОХИОН БАЙГУУЛАВ

БОАЖЯ-ны Тусгай хамгаалалттай нутгийн удирдлагын газар Хөвсгөл аймгийн Хатгал тосгон, Алаг-Эрдэнэ сумын малчдын бүлэг, хоршоо, мал, мах бэлтгэн нийлүүлдэг, худалдан борлуулдаг иргэдэд ариун цэврийн шаардлага хангасан хагас боловсруулсан мах, махан бүтээгдэхүүн хийх, мах бэлтгэх, савлах энгийн арга аргачлалын талаарх онолын болон дадлага сургалтыг 2017 оны 3 сарын 23-24-нд Хатгал тосгонд зохион байгуулав. 
Мөн мах, махан бүтээгдэхүүн боловсруулах бага оврын тоног төхөөрөмж, сав баглаа боодлын талаарх мэдээлэл, сургалтын материалаар сургалтад оролцогчдыг хангасан нь цаашид энэ чиглэлээр өрхийн бичил үйлдвэрлэл эрхлэх ур чадварыг бий болгов. 
Сургалт явуулсаны үр дүнд Тусгай хамгаалалттай газрын орчны бүсийн иргэд ажлын байртай болж, амьжиргаагаа дээшлүүлэх боломж бүрдэнэ.

Эх сурвалж: www.mne.mn

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд huvisal.mn хариуцлага хүлээхгүй.

Сэтгэгдэл үлдээх