З.Мэндсайхан: Өвөлжилт хүндэрсэн аймгууд руу өнөөдрөөс өвч тэжээл хүргэж байна

З.Мэндсайхан: Өвөлжилт хүндэрсэн аймгууд руу өнөөдрөөс өвч тэжээл хүргэж байна

УИХ дахь АН-ын бүлэг өнөөдөр Хүнс, хөдөө аж ахуй, хөнгөн үйлдвэрийн сайд З.Мэндсайханаас цаг үеийн асуудлаар мэдээлэл сонсжээ.

З.Мэндсайхан сайд "Өвөрхангай, Дундговь, Өмнөговь аймгийн зарим сум, Баянхонгор аймгийн 20 сумын 12 мянга, нийт улсын хэмжээнд 40 мянган малчин өрх өвс тэжээлийн хөнгөлөлтөд хамрагдана. Мөн эдгээр аймагт отроор яваа малчдыг хамруулна. Өвөлжилт хүндэрсэн аймгууд руу 1200 тонн тэжээл өнөөдрөөс гарч байна. Өвс тэжээлийг яам, аймаг аймагт нь хүргэнэ. Аймаг, орон нутаг малчиддаа хүргэхээр зохицуулсан.Цаашид өвс, тэжээлийн хангамжийн асуудлыг бүгдийг Засгийн газарт даатгалгүй аймаг орон нутаг зохион байгуулах шаардлагатай. Өвөлжилт, хаваржилтын хүндрэлийг зөвхөн өвс тэжээлээр шийдэх бус цаашид малын даатгалаар зохицуулах бодлого барина. Өнгөрсөн хугацаанд 8200 тонн тэжээл орж ирсэн. 33 аж ахуйн нэгжтэй гэрээ байгуулсан, тэд 100 мянган тонныг оруулж ирнэ. Дэлхийн банкнаас таван сая ам.долларын буцалтгүй тусламжийн асуудлыг шийдсэн" гэжээ.

Эх сурвалж: Eagle.mn

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд huvisal.mn хариуцлага хүлээхгүй.

Сэтгэгдэл үлдээх